[Islands without litter bins] | Illas Sen Papeleiras
2007
Framil Barreiro, J. | Gamallo Liste, B. | Lois Silva, M. | Sanz Ochoa, K. | Toubes Porto, M. | Vilas Paz, A.
الجاليكية. O Parque Nacional marítimo-terrestre das Illas Atlánticas de Galicia está formado por catro arquipélagos: Cíes, Ons, Sálvora e Cortegada; aínda que tan só os dous primeiros teñen uso público e atención a visitantes. No caso concreto de Cíes, o arquipélago de maior número de visitas anuais, a xestión dos residuos producidos polos visitantes baseábase na distribución de contedores polas illas, a súa recollida mediante tractores, almacenamento e transporte por barco a Vigo. Este tipo de xestión estaba a ocasionar graves problemas a tódolos niveis e en especial sobre: a conservación do territorio (proliferación de pragas, danos e cambios nos costumes da fauna, dispersión de residuos, contaminación acústica derivada do paso de tractores e aceleración dos procesos erosivos, impacto paisaxístico pola presencia de contedores e papeleiras). A xestión dos traballos nas illas (limitación das tarefas relativas á conservación pola ocupación case total do persoal de mantemento e vixilancia nas tarefas de recollida de contedores e o seu transporte, gastos orzamentarios moi fortes,...). A calidade da visita ao Parque Nacional (a presencia dos contedores "urbanizan" a paisaxe natural, arrecendos, ruídos...). Co obxectivo final de minimizar todos estes impactos e implicar de forma activa ao visitante na conservación do espacio natural, ideouse o proxecto "Illas sen papeleiras", que comezou no 2005 cunha experiencia piloto no arquipélago de Cíes, coa intención de facela extensible a todo o Parque Nacional.(...)
اظهر المزيد [+] اقل [-]