[The Agenda 21-Paseo das Pontes High School [Galicia, Spain]] | A A21-Paseo Das Pontes
2007
Freire Campo, P. | Méndez Mareque, B.
الجاليكية. No curso 2006-07 o IES Paseo das Pontes iniciou a súa Axenda 21 Escolar Galega. Empezou como un proxecto coherente, como un paso máis relacionado con anteriores experiencias exitosas en materias de enerxías renovables. No IES Paseo das Pontes temos realizado actividades de educación ambiental nas que se integraron profesores de varios departamentos. Froito destas actividades no curso 2006-07 estase a desenvolver un proxecto de "Traballo en Enerxía" (optimización enerxética, divulgación, investigación de posibilidades, etc) desde os departamentos de Ciencias e Tecnoloxía. Coa A21 pretendemos complementar este plan con accións desde todos os departamentos e desde outros sectores da comunidade educativa. A A21 a desenvolver durante este curso abordará tamén o ámbito dos Residuos, no que como no ámbito de enerxía, xa temos iniciadas accións. Compre resaltar que no noso centro ademais da ESO e o Bacharelato estanse a impartir ciclos das familias de Hostalería, Industria Alimentaria e de Téxtil. A A21 Escolar Galega do IES Paseo das Pontes pretende: favorecer a participación de todos os membros da comunidade educativa nas actividades do centro, crear novas dinámicas de traballo en grupo e interrelacións entre os membros da comunidade (alumnos, profesores, persoal non docente e pais), favorecer conductas de respecto ambiental. Có proxecto de Enerxía, relacionado coa A-21 pretendemos: Optimizar a eficiencia enerxética do IES Paseo das Pontes. Fomentar conductas de aforro enerxético aplicables no centro e extrapolables á vida cotián dos membros da comunidade educativa. Investigar o potencial da enerxía solar no centro e as posibilidades de financiación.
اظهر المزيد [+] اقل [-]