[The commitment for stopping climatic change] | A aposta por frear o cambio climático
2007
Gómez Rodríguez, C.
Galician. A primeira Aposta xurde en Alemaña despois do Cumio do Clima en Quioto en 1997 e de decidir entre os países industrializados un protocolo de actuación fronte ao Cambio Climático con obxectivos de reducción do 5,2% das emisións de CO2 a acadar entre 2008-2012, sendo para Europa do 8%. Amigos da Terra Alemaña, sendo conscientes do poder dos nenos, lanzan a campaña en 1998 apostándolle ao Goberno Alemán que son capaces de reducir as emisións dos centros escolares nun 8% nun periodo escolar. Ese mesmo ano a xuventude alemá, acada unha reducción do 10% respecto as emisións do ano anterior. Pensa Globalmente, Actúa Localmente é o motor desta campaña, sendo ate o de agora os seus destinatarios principais nenos e nenas. O proxecto baséase na aprendizaxe de conceptos e actitudes onde se analiza a realidade, búscanse respostas e propóñense solucións ao problema do Cambio Climático. A campaña intenta implicar aos diferentes axentes (directiva, responsables de limpeza e cociña, profesores, alumnado, conserxería...) que participan no centro na súa posta en marcha e na búsqueda de solucións para acadar o obxectivo de reducción das emisións, empregando a pedagoxía do compromiso, promovendo que se asuma a responsabilidade e a interiorización das cuestións plantexadas, cambiando así o seu comportamento por "si mesmos" e identificándose cos valores que constitúen a base do proxecto: responsabilidade ambiental, participación e cooperación. A aposta por frear o cambio climático motiva aos participantes premiando as actitudes positivas cara o medio ambiente e aqueles apostantes que non cumpran o seu compromiso de reducción teñen que asumir algunha actividade compensatoria. A campaña a aposta crea redes, favorecendo o intercambio de experiencias e por tanto a interacción entre os diversos axentes da campaña.
Show more [+] Less [-]AGROVOC Keywords
Bibliographic information
This bibliographic record has been provided by Instituto Nacional de Investigación y Tecnología Agraria y Alimentaria