[Listening our environment: an experience of auditory sensitizing with High School pupils] | Escoitando o noso entorno: unha experiencia de sensibilización auditiva con alumnos da ESO [Educación Secundaria Obligatoria]

加利西亚语. Sen dúbida un dos aspectos menos desenvolvidos dentro do ámbito da Educación Ambiental, é o problema da Contaminación Acústica. Por iso, o Departamento de Música do IES Pastoriza plantexou este proxecto, dirixido aos alumnos/as de 3o da ESO, coa idea de sensibilizar ao alumnado, e á poboación en xeral, sobre a necesidade de preservar un ambiente sonoro saudábel no entorno da vida cotiá. O marco de análise escollido foi o marco físico máis próximo ao centro, onde os alumnos e alumnas pasan a meirande parte do tempo, é dicir, o seu Concello. Sen embargo, a amplitude do Concello e da temática plantexada, levounos a centrar a nosa actuación en cinco parroquias, que por unha banda son as de procedencia do alumnado do centro e, por outra, constitúen unha mostra representativa da grande variedade de ecosistemas, agrupamentos sociais e desenvolvemento industrial presentes no mesmo. As parroquias escollidas foron: San Martiño de Suevos, Santa María de Pastoriza, San Tirso de Oseiro, Santo Estevo de Morás e Santiago de Arteixo. Dado o interese comunitario do tema, quixemos contar coa colaboración e axuda de institucións e particulares para que este proxecto traspasase as paredes da aula e revertese en beneficio de toda a comunidade. Obxectivos: -Sensibilizar auditivamente aos alumnos e alumnas: aprender a escoitar con atención e discriminar as diversas fontes sonoras que nos rodean. -Descubrir o noso entorno sonoro, a natureza das fontes emisoras do son e os efectos do son sobre o ser humano. -Reflexionar e tomar conciencia do problema da contaminación acústica: como afecta as nosas vidas, en que aspectos contribuímos a aumenta-la e que podemos facer para mellorar a nosa paisaxe sonora. -Preparar tecnicamente aos alumnos e alumnas participantes para o manexo dos aspectos tecnolóxicos necesarios para levar a cabo as actividades previstas. -Reutilizar as gravacións dos sons do entorno como base para a creación musical: cortar, pegar e mesturar co Audacity.(...)